د وولسی جرګه مشر میر رحماني په دوه نیم میلیون ډالره د قبرص تابعيت اخیستی.
د الجزيرې ټلوېزيوني شبکې په يوه تازه راپور کې ويلي، میر رحمان رحماني د نړۍ د هغه څلوېښتو پانګهلرونکو سياستوالو په ډله کې دی چې د خپل ځان او کورنۍ لپاره يې په خورا ډېرو پیسو د نړۍ د يوه خورا ښکلي هېواد قبرص طلايي درجه تابعيت اخيستی.
د دغه راپور له مخې رحماني په ۲۰۱۷ کال کې د ځان، درېيو لوڼو او مېرمنې لپاره د قبرص تابعيت اخيستو په موخه دوه نيم مېليونه ډالره ورکړل.
د الجزیرې په دې راپور کې دغه راز يادونه شوې چې ښاغلی رحماني او کورنۍ یې د سینټ کیټس او نیویس کرابین هېواد تابعيت هم لري.
الجزيرې ليکلي، ډېری هغو کسانو د قبرص تابعيتونه اخيستی چې د خپلو هېوادونو شتمن او دغه راز د دولتونو لوړپوړي چارواکي دي. په دې ډله کې ډېری د عربي هېوادونو د شاهي کورنيو غړي دي.
قبرص د ترکيې په سويل کې ښکلی جزيره يي هېواد دی چې لوديځ ته يې سوريه او لبنان، شمال ته يې مصر، اسرائيل او فلسطين او سويل ته يې ختيځ يونان پروت دی.
دغه هېواد د خپلې بې ساري ښکلا پر مټ هر کال د خورا ډېرو نړيوالو سيلانيانو کوربه وي.
Comments
Post a Comment